Гласъ-а҃

_audio • Вече́рнѧѧ • Matins • Canon • Liturgy • Сноска

Вечерняя служба, является значительной службой в литургическом календаре и обладает символическим и духовным значением. Несколько ключевых аспектов символики, связанной с Вечерней службой: переход от дня к ночи, благодарность и хвала. Она также имеет связь с традицией Ветхого Завета, черпая вдохновение из традиции вечерних жертв и молитв Ветхого Завета. Псалмы, являющиеся неотъемлемой частью Вечерней службы, традиционно читались в вечернее время в древнем богослужении.

В заключение, Вечерняя служба обладает символическим значением как период перехода, благодарения, просвещения, покаяния и подготовки. Это богатая литургическая традиция, связывающая поклонников с ритмами дня и предоставляющая каркас для ежедневной духовной жизни.

ѱл҃о́мъ рм҃.

Припѣ́въ: Оу҆слы́ши ны гдⷭ҇и.

Гдⷭ҇и возва́хъ къ тебѣ̀.
є҆гда̀ воззовꙋ̀ къ тебѣ̀.
же́ртва вече́рнѧѧ.
непщева́ти вины̀ ѡ҆ грѣсѣ́хъ.
да не нама́ститъ главы̀ моеѧ̀.
не ѿимѝ дꙋ́шꙋ мою̀.
до́ндеже прейдꙋ̀.

ѱл҃о́мъ рм҃а.

Припѣ́въ: Возва́х тебѣ спасѝ мѧ.

Гла́сомъ мои́мъ ко́ гдⷭ҇ꙋ помолю́сѧ.
и҆ печа́ль мою̀ пред̾ ни́мъ возвѣщꙋ̀.
и҆ нѣ́сть взыска́ѧи дꙋ́шꙋ мою̀.
ча́сть моѧ̀ є҆сѝ на землѝ живы́хъ.
и҆сповѣ́датисѧ и҆́мени твоемꙋ̀.
до́ндеже возда́си мнѣ̀.

ѱл҃о́мъ рк҃ѳ и҆ рѕ҃і.

Припѣ́въ: Хрⷭ҇тѐ поми́лꙋй на́съ.

Гдⷭ҇и ᲂу҆слы́ши гла́съ мо́й.
в̾ не́млюще гла́съ моли́твы моеѧ̀.
ꙗ҆́кѡ ѿ тебє̀ ѡ҆чище́нїе є҆́сть.
ᲂупова̀ дꙋша̀ моѧ̀ на́ гдⷭ҇а.
да ᲂупова́ет і҆зра́иль на́ гдⷭ҇а.
ѿ всѣ́хъ беззако́нїи є҆гѡ̀.
похвали́те є҆го̀ всѝ лю́дїе.
и҆ и҆́стина гдⷭ҇нѧ пребыва́етъ во́ вѣки.

И҆зведѝ и҆з̾ темни́цы дш҃ꙋ мою̀,* и҆сповѣ́датисѧ и҆́мени твоемꙋ̀.

Побѣ́дꙋ и҆мѣ́ѧ хрⷭ҇тѐ ю҆́же на а҆́да, и҆ на́ крⷭ҇тъ в̾зы́де, да сѣдѧ́щїѧ во тмѣ̀ и҆ сѣ́ни сме́ртнѣй, воскр҃си́ши с̾собо́ю, свобо́дь сы́и в̾ ме́ртвыхъ. и҆сточа́ѧ живо́тъ ѿ своегѡ̀ свѣ́та, всеси́льне сп҃се поми́лꙋй на́съ.

Менѐ ждꙋ́тъ пра́ведницы,* до́ндеже возда́си мнѣ̀

Дне́сь хрⷭ҇то́съ сме́рть попра́въ, ꙗ҆́коже речѐ и҆ воскр҃се, и҆ ра́дованїе всемꙋ̀ ми́рꙋ дарова̀. да всѝ в̾зыва́юще пѣ́сньми та́кѡ рце́мъ, и҆сто́чниче жи́зни, неприкоснове́нныи свѣ́те, всеси́льне сп҃се поми́лꙋй на́съ.

И҆з̾ глꙋбины̀ возва́хъ к̾ тебѣ̀ гдⷭ҇и,* гдⷭ҇и ᲂу҆слы́ши гла́съ мо́й.

Тебѐ гдⷭ҇и сꙋ́щагѡ по все́й тва́ри, грѣ́шнїи ка́мѡ бѣжи́мъ; на́ нб҃си са́мъ живе́ши. во а҆́дѣ же попра́въ сме́рть. во глꙋбины̀ морскі́ѧ, тꙋ̀ рꙋка̀ твоѧ̀ влⷣко. к̾ тебѣ̀ прибѣга́емъ, и҆ тебѣ̀ припа́дающе мо́лимсѧ, воскр҃сы́и и҆з̾ ме́ртвыхъ поми́лꙋй на́съ.

Гдⷭ҇ь воцр҃и́сѧ,* в̾ лѣ́потꙋсѧ ѡ҆блечѐ.

Врата̀ сокрꙋши́лъ є҆сѝ мѣ́днаѧ, и҆ вереѝ а҆́довы сте́рлъ є҆сѝ, ꙗ҆́кѡ бг҃ъ всеси́ленъ, и҆ ро́дъ чл҃ческїи па́дшїи воскр҃си́лъ є҆сѝ. сегѡ̀ ра́ди и҆ мы̀ пою́ще вопїе́мъ, воскр҃сы́и и҆з̾ ме́ртвыхъ гдⷭ҇и сла́ва тебѣ̀.

И҆́бо ᲂу҆твердѝ вселе́ннꙋю,* ꙗ҆же не подви́житсѧ.

Тлѣ́нїѧ на́съ дре́внѧгѡ хрⷭ҇то́съ и҆спра́вити хотѧ̀, на крⷭ҇тѣ̀ пригвожда́етсѧ, и҆ во́ гробѣ полога́етсѧ. є҆го́же мѷрѡно́сицы жены̀ со слеза́ми и҆ска́хꙋ, и҆ пла́чꙋще гл҃ахꙋ, ᲂу҆вы̀ на́мъ сп҃се всѣ́хъ, ка́кѡ восхотѣ̀ во́ гробъ всели́тисѧ; всели́вжесѧ во́лею, ка́кѡ ᲂу҆кра́денъ бы́сть; ка́кѡ преложи́сѧ; ко́еже мѣ́сто светное живоно́сное тѣ́ло; но ѽ влⷣко ꙗ҆́коже ѡ҆бѣща́сѧ на́мъ ꙗ҆ви́сѧ, и҆ ᲂу҆толѝ на́ше рыда́нїе сле́зное. пла́чꙋщим̾жесѧ и҆́мъ, а҆́нг҃лъ к̾ ни́мъ возопѝ, ѿ пла́ча преста́вше, а҆пⷭ҇лѡмъ рцы́те, ꙗ҆́кѡ воскр҃се гдⷭ҇ь, ми́рови да́рꙋѧ ѡ҆чище́нїе, и҆ ве́лїю млⷭ҇ть.

До́мꙋ твоемꙋ̀ подоба́етъ,* ст҃ы́ни гдⷭ҇и в̾ долготꙋ̀ дні́й.

Распѧ́тсѧ ꙗ҆́коже восхотѣ̀ хрⷭ҇тѐ, и҆ сме́рть погребе́нїемъ си плѣни́лъ є҆сѝ. тридне́внѡ воскр҃се ꙗ҆́кѡ бг҃ъ со сла́вою, ми́рови да́рꙋѧ без̾коне́чныи живо́тъ, и҆ ве́лїю ми́лость.

Сла́ва о҆ц҃ꙋ́ и҆ сн҃ꙋ́ и҆ ст҃о́мꙋ дх҃ꙋ,* и҆ ны́нѣ и҆ при́снѡ и҆ во́ вѣ́ки вѣкѡмъ, а҆ми́нь.

Творе́цъ и҆ и҆зба́витель мо́й пречⷭ҇таѧ хрⷭ҇то́съ гдⷭ҇ь, и҆з̾ твои́хъ ложе́снъ проше́дъ, в̾ мѧ̀ ѡ҆бо́лксѧ, пе́рвыѧ клѧ́твы а҆да́ма свободѝ, тѣ́мже тѝ пречⷭ҇таѧ, ꙗ҆́кѡ бж҃їи мт҃ри и҆ дв҃ѣй вои́стинꙋ, вопїе́мъ немо́лчно. ра́дꙋйсѧ а҆́нг҃льски. ра́дꙋйсѧ влⷣчце, пред̾ста́тельнице и҆ покро́ве, и҆ спасе́нїе дш҃а́мъ на́шимъ.

Explanation of Matins/ meaning of Tone1

Explanation of what Canon is

Explanation of what Liturgy is