И҆з​ведѝ и҆з̾ тем​ни́цы дш҃ꙋ мою̀,* и҆с​повѣ́да​тисѧ и҆́мени твоемꙋ̀.
Побѣ́дꙋ и҆мѣ́ѧ хрⷭ҇тѐ ю҆́же на а҆́да, и҆ на́ крⷭ҇тъ в̾зы́де, да сѣдѧ́щїѧ во тмѣ̀ и҆ сѣ́ни сме́ртнѣй, воскр҃си́ши с̾собо́ю, свобо́дь сы́и в̾ ме́ртвыхъ. и҆сточа́ѧ живо́тъ ѿ своегѡ̀ свѣ́та, всеси́льне сп҃се поми́лꙋй на́съ.
Менѐ ждꙋ́тъ пра́вед​ницы,* до́н​деже воз​да́си мнѣ̀
Дне́сь хрⷭ҇то́съ сме́рть попра́въ, ꙗ҆́коже речѐ и҆ воскр҃се, и҆ ра́дованїе всемꙋ̀ ми́рꙋ дарова̀. да всѝ в̾зыва́юще пѣ́сньми та́кѡ рце́мъ, и҆сто́чниче жи́зни, неприкоснове́нныи свѣ́те, всеси́льне сп҃се поми́лꙋй на́съ.
И҆з̾ глꙋ​бины̀ воз​ва́хъ к̾ тебѣ̀ гдⷭ҇и,* гдⷭ҇и ᲂу҆с​лы́ши гла́съ мо́й.
Тебѐ гдⷭ҇и сꙋ́щагѡ по все́й тва́ри, грѣ́шнїи ка́мѡ бѣжи́мъ; на́ нб҃си са́мъ живе́ши. во а҆́дѣ же попра́въ сме́рть. во глꙋбины̀ морскі́ѧ, тꙋ̀ рꙋка̀ твоѧ̀ влⷣко. к̾ тебѣ̀ прибѣга́емъ, и҆ тебѣ̀ припа́дающе мо́лимсѧ, воскр҃сы́и и҆з̾ ме́ртвыхъ поми́лꙋй на́съ.

сла́ва, * и҆ нн҃ѣ.
Кто̀ тебѐ неблажи́тъ прест҃а́ѧ дв҃це; и҆лѝ кто̀ невоспѣва́етъ твоегѡ̀ пречⷭ҇тагѡ ржⷭ҇тва̀; без̾лѣ́тныи бо ѿ ѻ҆ц҃а возсїѧ́въ сн҃ъ є҆диноро́дныи, то́йже ѿ тебѐ чи́стыѧ про́йде, несказа́ннѡ вопло́щьсѧ. є҆стество́мъ бг҃ъ сы́и, и҆ є҆стество́мъ бы́въ чл҃къ на́съ ра́ди. не во двою̀ лицꙋ̀ раздѣлѧ́емъ. но во двою̀ є҆стествꙋ̀ несмѣ́сно познава́емъ. тогѡ̀ молѝ чⷭ҇таѧ и҆ всебл҃же́ннаѧ, поми́ловатисѧ дш҃а́мъ на́шимъ.

Воскрⷭ҇нїе твоѐ хрⷭ҇тѐ сп҃се, а҆́нг҃ли пою́тъ на́ нб҃сѣхъ. и҆ на́съ на землѝ сподо́би, чи́стыми срⷣцы тебѐ сла́вити.

Гдⷭ҇ь воц​р҃и́сѧ,* в̾ лѣ́​потꙋсѧ ѡ҆б​лечѐ.
Врата̀ сокрꙋши́лъ є҆сѝ мѣ́днаѧ, и҆ вереѝ а҆́довы сте́рлъ є҆сѝ, ꙗ҆́кѡ бг҃ъ всеси́ленъ, и҆ ро́дъ чл҃ческїи па́дшїи воскр҃си́лъ є҆сѝ. сегѡ̀ ра́ди и҆ мы̀ пою́ще вопїе́мъ, воскр҃сы́и и҆з̾ ме́ртвыхъ гдⷭ҇и сла́ва тебѣ̀.
И҆́бо ᲂу҆т​вердѝ все​ле́ннꙋю,* ꙗ҆же не под​ви́житсѧ.
Тлѣ́нїѧ на́съ дре́внѧгѡ хрⷭ҇то́съ и҆спра́вити хотѧ̀, на крⷭ҇тѣ̀ пригвожда́етсѧ, и҆ во́ гробѣ поло​га́етсѧ. є҆го́же мѷрѡ​но́сицы жены̀ со слез​а́ми и҆ска́хꙋ, и҆ пла́​чꙋще гл҃ахꙋ, ᲂу҆вы̀ на́мъ сп҃се всѣ́хъ, ка́кѡ вос​хотѣ̀ во́ гробъ все​ли́тисѧ; все​ли́в​жесѧ во́лею, ка́кѡ ᲂу҆к​ра́денъ бы́сть; ка́кѡ прело​жи́сѧ; ко́еже мѣ́с​то свет​ное живо​но́сное тѣ́ло; но ѽ влⷣко ꙗ҆́коже ѡ҆бѣ​ща́сѧ на́мъ ꙗ҆ви́сѧ, и҆ ᲂу҆толѝ на́ше рыда́​нїе сле́з​ное. пла́чꙋ​щим̾же​сѧ и҆́мъ, а҆́нг҃лъ к̾ ни́мъ во​зопѝ, ѿ пла́ча пре​ста́в​ше, а҆пⷭ҇лѡмъ рцы́те, ꙗ҆́кѡ воскр҃се гдⷭ҇ь, ми́р​ови да́рꙋѧ ѡ҆чи​ще́нїе, и҆ ве́лїю млⷭ҇ть.
До́мꙋ твоемꙋ̀ подо​ба́етъ,* ст҃ы́​ни гдⷭ҇и в̾ дол​готꙋ̀ дні́й.
Распѧ́тсѧ ꙗ҆́коже восхотѣ̀ хрⷭ҇тѐ, и҆ сме́рть погребе́нїемъ си плѣни́лъ є҆сѝ. тридне́внѡ воскр҃се ꙗ҆́кѡ бг҃ъ со сла́вою, ми́рови да́рꙋѧ без̾коне́чныи живо́тъ, и҆ ве́лїю ми́лость.
Сла́ва о҆ц҃ꙋ́ и҆ сн҃ꙋ́ и҆ ст҃о́мꙋ дх҃ꙋ,* и҆ ны́нѣ и҆ при́с​нѡ и҆ во́ вѣ́ки вѣк​ѡмъ, а҆ми́нь .
Творе́цъ и҆ и҆з​ба́ви​тель мо́й пречⷭ҇таѧ хрⷭ҇то́съ гдⷭ҇ь, и҆з̾ твои́хъ ложе́снъ про​ше́дъ, в̾ мѧ̀ ѡ҆бо́л​ксѧ, пе́р​выѧ клѧ́​твы а҆да́ма сво​бодѝ, тѣ́м​же тѝ пре​чⷭ҇таѧ, ꙗ҆́кѡ бж҃їи мт҃ри и҆ дв҃ѣй вои́с​тинꙋ, во​пїе́мъ не​мо́л​чно. ра́д​ꙋйсѧ а҆́нг҃льски. ра́д​ꙋйсѧ влⷣчце, пред̾​ста́тель​нице и҆ пок​ро́ве, и҆ спас​е́нїе дш҃а́мъ на́шимъ.

Бг҃ъ гдⷭ҇ь и҆ ꙗ҆ви́сѧ на́мъ,бл҃го​слове́нъ грѧды́и во́ и҆мѧ гдⷭ҇не.
Тропарь воскрсный, коне́цъ.... воскрⷭ҇ и҆́з̾ ме́ртвых гдⷭ҇ь сла́ва тѣ́бе.
Боⷢ҇,коне́цъ.... гдⷭ҇ь сла́ва тѣ́бе.

Гдⷭ҇и воздви́гни си́лꙋ твою̀ , и҆ прїидѝ да спасе́ши ны .

Ст҃ъ гдⷭ҇ь бг҃ъ на́шъ.

Помѧни́ мѧ бж҃е сп҃се мо́й, є҆гда̀ прїи́деши во црⷭ҇твїи сѝ, и҆ спаси́ мѧ, ꙗ҆́кѡ є҆ди́нъ чл҃колю́бецъ.

Бл҃же́ни чⷭ҇тїи срⷣцемъ,* ꙗ҆́кѡ ті́и бг҃а ᲂу҆́з​рѧтъ.
Дре́вомъ а҆да́мꙋ пре​льще́нꙋ бы́вшꙋ, дре́​вомъ же крⷭ҇тнымъ па́ки спа́слъ є҆сѝ раз​бо́йника, во​пїю́ща, по​мѧни́ мѧ гдⷭ҇и, є҆гда̀ прї​и́деши во црⷭ҇твїи сѝ.
Бл҃же́ни миро​тво́рцы,* ꙗ҆́кѡ ті́и сы́н​ове бж҃їи наре​кꙋ́тсѧ.
Воспое́мъ и҆́же во́лею распе́н​шагосѧ, и҆ по​гребе́на хрⷭ҇та̀ бг҃а на́шегѡ, и҆ во​скрⷭ҇ша во сла́вѣ три​дне́в​нѡ.

Бл҃же́ни и҆з̾​гна́ни пра́в​ды ра́ди,* ꙗ҆́кѡ тѣ́хъ є҆́сть црⷭ҇тво нбⷭ҇ное. Врата̀ а҆́дова и҆ вереѝ со​крꙋ​ши́въ, и҆ сꙋ́щїѧ жизно​да́вче во а҆́дѣ, всѧ̀ во​скр҃си́лъ є҆сѝ, зовꙋ́​щїѧ, сп҃се ще́д​рыи, сла́ва вос​та́нїю тѝ.

Бл҃же́ни є҆стѐ є҆гда̀ поно́сѧтъ ва́мъ, и҆ и҆з​женꙋ́т̾ вы̀, и҆ рекꙋ́тъ всѧ́къ ѕо́лъ гл҃ъ,* на вы̀ лжꙋ́ще менѐ ра́ди.
И҆́же и҆́з̾ гроба во​скрⷭ҇шаго, ꙗ҆́коже речѐ пре́жде стрⷭ҇ти, и҆ а҆́да плѣн​и́вша, хрⷭ҇та̀ со​гла́с​нѡ всѝ вос​пое́мъ.

Ра́дꙋйтесѧ и҆ весе​ли́т​есѧ,* ꙗ҆́кѡ мзда̀ ва́ша мно́га на́ нб҃сѣхъ.
Свѣ́тъ ми́рꙋ а҆пⷭ҇ли по​каза́в​шесѧ, ве́сь мра́къ пре́​лести ѿгна́ша, за​рѧ́ми бжⷭ҇тве​ными, ᲂу҆че́​нїи свои́хъ.

Сла́ва,* сла́ва ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ
Ѻ҆ц҃а и҆ сн҃а славо​сло́вимъ, и҆ дх҃а ст҃а́гѡ гл҃юще, трⷪ҇це ст҃а́ѧ спасѝ дш҃а на́ша.

И҆ ны́нѣ.* и҆ ны́нѣ и҆ прⷭ҇нѡ и҆ во́ вѣки вѣко́мъ, а҆ми́нь.
Ра́дꙋисѧ две́ри бг҃ꙋ ѿ​ве́рс​таѧ, не и҆з̾​гл҃аннѡ в̾ тѧ̀ все́ль​шасѧ, и҆ про​ше́д​ша и҆з̾ тебѐ при́с​нѡ дв҃о.