Изведѝ и҆з̾ темнѝцы дш҃ꙋ мою́, ꙳ и҆сповѣ́датисѧ и҆́мени твоемꙋ̀.
Вече́рнїѧ на́ша мл҃твы, прїимѝ ст҃ы́и гдⷭ҇и, и҆ пода́ждь на́мъ ѡ҆ставле́нїе грѣхѡ́въ, ꙗ҆́кѡ ты̀ є҆ди́нъ є҆сѝ ꙗ҆вле́и въ ми́рѣ воскрⷭ҇нїе.
Менѐ ждꙋ́тъ пра́ведницы,꙳ дондеже возда́си менѣ́.
Ѡ҆бъи҆ди́те лю́дїє сїо҆́нъ, и҆ ѡ҆бъи҆ми́те є҆го̀, и҆ дади́те сла́вꙋ в̾не́мъ, воскрⷭ҇шемꙋ и҆з̾ме́ртвыхъ, ꙗ҆́кѡ то́й є҆́сть бг҃ъ на́шъ, и҆збавле́и на́съ ѿ беззако́нїи на́шихъ.
И҆з глꙋбины̀ возва́х к̾ тебѣ гдⷭ҇и,꙳ гдⷭ҇и ᲂу҆слы́ши гласъ мо́й.
Прїиди́те лю́дїє поє́мъ, и҆҆ поклони́мсѧ ꙳ хрⷭ҇тꙋ, сла́вѧще є҆гѡ̀, є҆́же и҆з̾ме́ртвыхъ воскрⷭ҇нїе. ꙗ҆́кѡ то́й є҆́сть бг҃ъ на́шъ, и҆́же ѿ ле́сти вра́жїѧ ве́сь ми́ръ и҆збавле́и.

Изведи́ из темни́цы ду́шу мою́, * испове́датися и́мени твоему́.
Вече́рния на́ша моли́твы, приими́ святы́и госпо́ди, и пода́ждь на́мъ оставле́ние грехо́въ, я́ко ты́ еди́нъ еси́ явле́и въ ми́ре воскре́съние.
Мене́ жду́тъ пра́ведницы, * дондеже возда́си мене́.
Объиди́те лю́дие сио́нъ, и объими́те его́, и дади́те сла́ву вне́мъ, воскре́съшему изме́ртвыхъ, я́ко то́й е́сть богъ на́шъ, избавле́и на́съ от беззако́нии на́шихъ.
Из глубины́ возва́х к тебе госпо́ди, * госпо́ди услы́ши гласъ мо́й.
Прииди́те лю́дие пое́мъ, и поклони́мся* христу, сла́вяще его́, е́же изме́ртвыхъ воскре́съние. Я́ко то́й е́сть богъ на́шъ, и́же от ле́сти вра́жия ве́сь ми́ръ избавле́и.

Сла́ва о҆ц҃ꙋ́ и҆ сн҃ꙋ и҆ ст҃о́мꙋ дх҃ꙋ, * и҆ ны́нѣ и҆ при́снѡ и҆ во́ вѣ́ки вѣкѡмъ, а҆ми́нь.
Всеми́рнꙋю сла́вꙋ ѿ чл҃къ прозѧ́бшꙋю, и҆ влⷣкꙋ ро́ждьшꙋю, нбⷭ҇нꙋю две́рь воспое́мъ мр҃і́ю дв҃цꙋ, безпло́тнымъ пѣ́снь, и҆ вѣ́рнымъ ᲂу҆добре́нїе. та̀ бо ꙗ҆ви́сѧ нб҃о и҆ цр҃кви бжⷭ҇твенаѧ. та̀ прегражде́нїе вражды̀ разрꙋши́вши, смире́нїе в̾ ведѐ и҆ црⷭ҇тво ѿве́рзе. тоѧ̀ ᲂу҆́бѡ и҆мᲂу́ще вѣ́рное ᲂу҆тверже́нїе, побо́рника и҆́мамы, ѝ҆знеѧ̀ ро́ждьшагосѧ гдⷭ҇а. дерза́йте ᲂу҆́бѡ, дерза́йте лю́дїє бж҃їи, и҆́бо то́й побѣди́тъ врагѝ, ꙗ҆́кѡ всеси́ленъ.

Сла́ва отцу́ и сы́ну и свято́му духу, * и ны́не и при́сно и во́ ве́ки векомъ, ами́нь.
Всеми́рную сла́ву от человекъ прозя́бшую, и влады́ку ро́ждьшую, небе́сную две́рь воспое́мъ мари́ю деви́цу, безпло́тнымъ пе́снь, и ве́рнымъ удобре́ние. Та́ бо яви́ся не́бо и це́ркви бо́жественая. Та́ прегражде́ние вражды́ разруши́вши, смире́ние в веде́ и ца́рство отве́рзе. Тоя́ у́бо иму́ще ве́рное утверже́ние, побо́рника и́мамы, и́знея́ ро́ждьшагося госпо́да. Дерза́йте у́бо, дерза́йте лю́дие бо́жии, и́бо то́й победи́тъ враги́, я́ко всеси́ленъ.

Стра́стию твое́ю Христе́, от страсте́й свободи́хомся, и воскре́съниемъ Твои́мъ, изъ истле́ния избы́хомъ, Госпо́ди сла́ва тебе́.

Гдⷭ҇и воц҃ри́сѧ, * в̾ лѣ́потꙋсѧ ѡ҆блечѐ.
Да ра́дꙋетсѧ тва́рь, нб҃са̀ да веселѧ́тсѧ, рꙋка́ми да воспле́щꙋтъ ꙗ҆зы́цы с̾ весе́лїемъ, хт҃съ бо бг҃ъ на́шъ, на крⷭ҇тѣ̀ пригвоздѝ грѣхѝ на́ша. и҆ сме́рть ᲂу҆мерт ви́въ, жи́знь на́мъ дарова̀, па́дшаго а҆да́ма всеро́дна воскрс҃и́въ, ꙗ҆́кѡ чл҃колю́бецъ.
И҆́бѡ ᲂу҆твердѝ вселе́ннꙋю, * ꙗ҆́же не подви́житсѧ.
Цр҃ь сы́и нб҃ꙋ и҆ землѝ не пости́жимыи, во́лею распѧ́тсѧ за чл҃колю́бїе. є҆го́же а҆́дъ срѣ́тъ до́лѣ ѡ҆горчи́сѧ, и҆ пра́ведныхъ дш҃и прїє́мше и҆̀ ра́довахꙋсѧ, а҆да ́мъ же ви́дѣвъ тѧ зижди́телѧ во преиспо́днихъ воста̀. Ѽ чюдесѝ, ка́кѡ сме́рть въкꙋсѝ, ꙗ҆́же всѣ́хъ жи́знь; но ꙗ҆́коже и҆зво́ли ми́ра просвѣти́ти, вопїю́ща и҆ гл҃юща, воскресы́и и҆зме́ртвыхъ, гдⷭ҇и сла́ ва тебѣ̀.
До́мꙋ твоемᲂу̀ подоба́етъ, * ст҃ы́ни гдⷭ҇и в̾ долготꙋ̀ дні́й.
Жены̀ миро́носицы, мироносѧ́ще сотща́нїемъ и҆ с̾ рыда́нїемъ, гро́ба твоегѡ̀ достиго́ша, и҆ не ѡ҆брѣ́тъше пречтⷭ҇аго тѣ́ла твоего̀. ѿ а҆́нг҃ла же ᲂу҆вѣ́дѣвше но́вое и҆ пресла́вное чю́до, а ҆плⷭ҇ѡмъ гл҃ахꙋ воскр҃е́се гдⷭ҇ь, подаѧ́и ми́рови ве́лїю ми́лость.
Сла́ва. и҆ нн҃ѣ.
Се и҆спо́лнисѧ и҆са́ино прорече́нїе, дв҃ою бо родила̀ є҆сѝ, и҆ по ржⷭ҇твѣ̀ ꙗ҆́кѡ пре́жде рожества̀ пребыва́еши, бг҃ъ бо бѣ̀ рожде́исѧ. тѣ́мже и҆ є҆стество̀ но́во п ремѣни́сѧ. но Ѽ бг҃о мт҃и, мл҃твы свои́хъ ра́бъ въ твое́й цр҃кви приноси́мыѧ ти непре́зри. но ꙗ҆́кѡ бл҃гоꙋтро́бнаго, свои́ма рꙋка́ма поноси́вшаѧ, на своѧ̀ рабы̀ ᲂу҆милосе́рдисѧ, и҆ молѝ спасти́сѧ дш҃ѧ́мъ на́шимъ.

Госпо́ди воцари́ся, * в ле́потуся облече́.
Да ра́дуется тва́рь, небе́са́ да веселя́тся, рука́ми да воспле́щутъ язы́цы с весе́лиемъ, Христо́с бо Богъ на́шъ, на кресте́ пригвозди́ грехи́ на́ша. И сме́рть умертв и́въ, жи́знь на́мъ дарова́, па́дшаго Ада́ма всеро́дна воскреси́въ, я́ко человеколю́бецъ.
И́бо утверди́ вселе́нную, * я́же не подви́жится.
Царь сы́и не́бу и земли́ не пости́жимыи, во́лею распя́тся за человеколю́бие. Его́же а́дъ сре́тъ до́ле огорчи́ся, и пра́ведныхъ ду́ши прие́мше и́ ра́довахуся, Ада́мъ же ви́девъ тя зижди́теля во преиспо́днихъ воста́. Ѻ чюдеси́, ка́ко сме́рть въкуси́, я́же все́хъ жи́знь? Но я́коже изво́ли ми́ра просвети́ти, вопию́ща и глаголюща, воскресы́и изме́ртвыхъ, Госпо́ди сла́ва т ебе́.
До́му Твоему́ подоба́етъ, * святы́ни Госпо́ди в долготу́ дни́й.
Жены́ миро́носицы, миронося́ще сотща́ниемъ и с рыда́ниемъ, гро́ба Твоего́ достиго́ша, и не обре́тъше пречи́стаго те́ла Твоего́. От а́нгела же уве́девше но́вое и прес ла́вное чю́до, апо́столомъ глаголаху воскре́се Госпо́дь, подая́и ми́рови ве́лию ми́лость.
Сла́ва. Ины́не.
Се испо́лнися Иса́ино прорече́ние, де́вою бо родила́ еси́, и по рожестве́ я́ко пре́жде рожества́ пребыва́еши, Богъ бо бе́ рожде́ися. Те́мже и естество́ но́во премени ́ся. Но ѻ Бого ма́ти, моли́твы свои́хъ ра́бъ въ твое́й це́ркви приноси́мыя ти непре́зри. Но я́ко благоутро́бнаго, свои́ма рука́ма поноси́вшая, на своя́ рабы́ умилосе́рдися, и моли́ спасти́ся ду́шя́мъ на́ш имъ.

Боⷢ҇, коне́цъ. ... сла́ва свободи́вшемꙋ на́съ ржⷭ҇тво́мъ твои́мъ.

Богъ Госпо́дь и яви́ся на́мъ, благослове́нъ гряды́и во́ имя Госпо́дне. Тропа́рь воскрсный, коне́цъ. ... еди́не человеколю́бче.
Богъ, коне́цъ. ... сла́ва свободи́вшему на́съ рожество́мъ Твои́мъ.

Внегда́ скорбе́ти ми́, услы́ши моя́ боле́зни, Госпо́ди к тебе́ зову́.
Пусты́ннымъ непреста́нно Бо́жественое жела́ние быва́етъ, от ми́ра су́етнаго кроме́.
Свято́му ду́ху че́сть и сла́ва, я́коже Отцу́ подоба́етъ, ку́пноже и Сы́ну. Сего́ ра́ди пое́мъ Трворцу́ единодержа́вную.

Въ го́ры Твои́хъ возне́съ мя́ зако́нъ доброде́телей, просвети́ Бо́же, да пою́ ти́.
Десно́ю ти руко́ю прии́мъ Ты́ сло́ве, сохрани́ мя́ и соблюди́, да не о́гнь мене́ опали́тъ грехо́вныи.
Сяты́мъ духомъ вся́ка тва́рь обновля́ется, па́ки обраща́ющися на пе́рвое, равномо́щенъ бо е́сть Отцу и сло́ву.

Ѻ҆ ре́кшихъ мнѣ̀, в̾ни́демъ во дворы̀ гдⷭ҇ни, возвесели́мисѧ дх҃ъ, с̾ра́дꙋетмисѧ срⷣце.


Въ домꙋ̀ дв҃довѣ стра́хъ вели́къ, тᲂу̀ бо прⷭ҇то́лѡмъ поста́вленѡмъ, сᲂу́дѧтсѧ всѧ́ка племена̀ земна́ѧ и҆ ꙗ҆зы́цы.


Ст҃о́мꙋ дх҃ꙋ че́сть и҆ поклонѧ́нїе, сла́вꙋ и҆ держа́вꙋ, ꙗ҆́коже ѻ҆ц҃ꙋ досто́итъ, и҆ сн҃ови приноси́ти. є҆ди́ньство бо є҆́сть трⷪ҇ца, є҆стество́мъ а҆ не ли́цы.

Ѻ ре́кшихъ мне́, вни́демъ во дворы́ Госпо́дни, возвесели́мися ду́хъ, сра́дуетмися сердце.

Въ дому́ Да́выдове стра́хъ вели́къ, ту́ бо присто́ломъ поста́вленомъ, су́дятся вся́ка племена́ земна́я и язы́цы.

Свято́му ду́ху че́сть и поклоня́ние, сла́ву и держа́ву, я́коже Отцу досто́итъ, и Cы́нови приноси́ти. Еди́ньство бо е́сть Тво́рца, естество́мъ а не ли́цы.

Нн҃ѣ воскрⷭ҇нꙋ̀ гл҃етъ гдⷭ҇ь, положꙋ́сѧ во сп҃се́нїе и҆ не ѡ҆бинᲂу́юсѧ ѡ҆ не́мъ.

Ныне воскресну́ глаголетъ Госпо́дь, положу́ся во спасе́ние и не обину́юся о не́мъ.

Твоѧ̀ побѣди́тельнаѧ десни́ца, бг҃олѣ́пнѡ в̾ крѣ́пости просла́висѧ. та̀ бо без̾сме́ртне всемогꙋ́щи проти́вныѧ сотрѐ. і҆и҃льтѧнѡмъ пᲂу́ть глꙋбины̀ ѡ҆бно́вльши.

Твоя́ победи́тельная десни́ца, боголе́пно в кре́пости просла́вися. Та́ бо безсме́ртне всемогу́щи проти́вныя сотре́. Изральтяномъ пу́ть глубины́ обно́вльши.

Е҆ди́нъ свѣ́дыи земны́хъ сꙋщество̀ немощно́е, и҆ ми́лостивно внѐ ѡ҆бо́лкіисѧ. препоѧ́ши мѧ̀ с̾вы́ше си́лою, воспѣва́ти ти ст҃ы́и, цр҃кви дш҃е́внаѧ, неизрече́нныѧ сла́вы тѝ чл҃колю́бче.

Еди́нъ све́дыи земны́хъ существо́ немощно́е, и ми́лостивно вне́ обо́лкиися. Препоя́ши мя свы́ше си́лою, воспева́ти Tи святы́и, це́ркви душе́вная, неизрече́нныя сла́вы Tи человеколю́бче.

Го́рꙋ тѧ̀ блⷣгтїю бж҃їѧ прїѡсѣ́ннꙋ, прозорли́выма а҆вва́кꙋмъ ᲂу҆смотри́въ ѻ҆чи́ма, и҆с̾ тебѐ и҆зы́ти і҆зра́илеви, провозглаша́ше ст҃а́го, на сп҃се́нїе на́ше и҆ ѡ҆бновле́нїе.

Го́ру Тя́ благода́тию Бо́жия приосе́нну, прозорли́выма Авва́кумъ усмотри́въ очи́ма, ис Тебе́ изы́ти Изра́илеви, провозглаша́ше свята́го, на спасе́ние на́ше и обновле́ние.

Просвѣще́и сїѧ́нїемъ прише́ствїѧ твоегѡ̀ хрⷭ҇тѐ, и҆ ѡ҆свѣще́и кресто́мъ сѝ мирскі́ѧ концы̀, срⷣца̀ просвѣтѝ, свѣ́томъ твоегѡ̀ бг҃оразᲂу́мїѧ, правовѣ́рнѡ хва́лѧщихъ тѧ̀.

Просвеще́и сия́ниемъ прише́ствия Твоего́ Христе́, и освеще́и кресто́мъ си́ мирски́я концы́, сердца́ просвети́, све́томъ Твоего́ богоразу́мия, правове́рно хва́лящихъ Тя́.

Ѻ҆бы́де на́съ послѣ́днѧѧ бе́здна, и҆ нѣ́сть и҆збавлѧ́ѧи, в̾мѣни́хомсѧ ꙗ҆́кѡ ѻ҆вца̀ на заколе́нїе, спасѝ лю́ди своѧ̀ бж҃е на́шъ. ты́ бо крѣ́пость немощны́мъ є҆сѝ и҆ и҆справле́нїе.

Ѻбы́де на́съ после́дняя бе́здна, и не́сть избавля́яи, вмени́хомся я́ко овца́ на заколе́ние, спаси́ лю́ди своя́ бо́же на́шъ. Ты́ бо кре́пость немощны́мъ еси́ и исправле́ние.

Тебѐ мы́сленꙋю бцⷣе пе́щь, разсмотрѧ́емъ вѣ́рнїи. ꙗ҆́коже бо ѻ҆́троки спасѐ трѝ превозноша́емыи, ми́ръ ѡ҆́бнови́лъ є҆́сть, во́ чревѣ твое́мъ соверше́нъ, восхвалѧ́емыи, ѻ҆ц҃є́мъ бг҃ъ бл҃гослове́нъ.

Тебе́ мы́сленую Богоро́дице пе́щь, разсмотря́емъ ве́рнии. Я́коже бо о́троки спасе́ три́ превозноша́емыи, ми́ръ о́бнови́лъ е́сть, во́ чреве Твое́мъ соверше́нъ, восхваля́емыи, Отце́мъ Богъ благослове́нъ.

В̾ пещѝ дѣ́ти і҆зра́илевы, ꙗ҆́коже в̾ горни́лѣ добро́тою бл҃гоче́стїѧ, чистѣ́йше зла́та блеща́хꙋсѧ, гл҃юще, бл҃гослови́те всѧ̀ дѣ́ла гдⷭ҇а, по́йте и҆ превозноси́те є҆го̀ во́ вѣки

В пещи́ де́ти изра́илевы, я́коже в горни́ле добро́тою благоче́стия, чисте́йше зла́та блеща́хуся, глаголюще, благослови́те вся́ де́ла Госпо́да, по́йте и превозноси́те Его́ во́ веки

Ѻ҆́бразъ чтⷭ҇агѡ ржⷭ҇тва̀ твоегѡ̀, распала́емꙋ кꙋпинᲂу̀ ꙗ҆вѝ неѡ҆пали́мꙋ. и҆ ны́нѣ на на́съ напа́стей свирѣ́пѣющꙋю пе́щь, ᲂу҆гаси́ти мо́лимсѧ, да тѧ̀ бцⷣе непреста́ннѡ велича́ємъ.

Ѻ́бразъ чи́стаго рожества́ Твоего́, распала́ему купину́ яви́ неопали́му. И ны́не на на́съ напа́стей свире́пеющую пе́щь, угаси́ти мо́лимся, да Тя́ Богоро́дице непреста́нно велича́емъ.

Ст҃ъ гдⷭ҇ь бг҃ъ на́шъ.

Святъ Госпо́дь Богъ нашъ.